|
| |
 |
|
Schools & Churches... |
 |
|
|
 |
|
Laerskool Ohrigstad
- Geskiedenis... |
|
Onder
leiding van Kmdt P B
Swart en mnre C van
Bouillon, P G van
der Merwe en M D de
Clerk is daar teen
ongeveer 1906 op
Ohrigstad ‘n
Christelike-Nasionale
Onderwys
(Privaatskool)
geopen met mnr de
Jong as onderwyser.
Hy
was egter nie
voldoende
gekwalifiseer nie en
die skool is na drie
maande gesluit. |
|
|
|
|
Op 1 Junie 1907
kon die skool egter weer begin
word deur die aankoms van mnr
Willem Akkerhuys. Hy was vir
drie jaar onderwyser in die
verfynde hoofstad Den Haag,
Nederland. Besiel met ‘n warm
gevoel vir die nood van die
Afrikaner het hy alles prysgegee
en hierheen gekom, onder die
indruk dat Ohrigstad maar net
nog ‘n stad is….. |
|
Met sy koms na
Ohrigstad, sit Akkerhuys op die
koets se dak om so die
indrukwekkende natuurskoon ten
volle te geniet. Mnr Akkerhuys
se salaris was vasgestel op 15
pond per maand maar die ouers
kon dit nie betaal nie. |
|
Onderrig word
eers in ‘n sinkgebou gehou tot
en met 30 Julie 1908 toe mnr
Klooster, Inspekteur van
Onderwys, as volg rapporteer: “
Een slecht ingerichte sinken
keet met grond vloer ….
ondenkbaar slecht: den banken
zijn slecht, er is geen kast,
geen stoel, geen lesjenaar ….
met genoeg Hollandse boeken. De
onderwyzer staat hier met vyf
klasjen. Assistentie dringend
nodig.” |
|
Die hoeksteen van
die nuwe Milnergebou is gelê op
3 Maart 1909. Op 20 Julie 1909
is die nuwe skool geopen. In
1910 is die sinkgebou vir 25
pond verkoop en ‘n “Piano” is
met die geld aangeskaf. Die nuwe
klipgebou was ‘n groot
verbetering maar die uitrusting
was nog baie swak. Banke wat
bedoel was vir 4 leerlinge moes
dikwels diens doen vir 6. Die
houtbord is plaaslik gemaak en
was besonder klein. Twee stukke
kryt was beskikbaar en moes vir
etlike maande hou en is dus soos
goud opgepas. Vir elke 4
leerlinge was daar 1 lei. |
 |
|
Onderwys meestal
in Engels, maar in 1920 skryf
die hoof van Krugerspost: “
Begin gemaak om onderwys te gee
in Afrikaans.” Die ouerderdom
van leerlinge het gewissel
tussen 7 en 21 jaar en by
opening was standerd 3 die
hoogste standerd. Sommige van
die seuns het snorre en baarde
gehad. Skoolbywoning het
afgehang van wat op die plase
aangaan. Kinders was dikwels
afwesig as gevolg van nagmaal,
jagtogte, oestyd of besoeke aan
die bad by Spekboom. |
|
Elke leerling
moes ‘n bottel water saambring
om die boompies aan die lewe te
hou. Daar was ‘n kamp vir die
onderwysers se perde en die
leerlinge se donkies. Sedertdien
het baie verander, getalle het
gestyg en gedaal, maar die skool
het bly voortbestaan. Die
infrastruktuur vir sport en
opleiding by hierdie skool is
stewig gevestig en is ons van
mening dat daar altyd hier ‘n
skool sal wees. Tans is Mev V L
Ferreira die skoolhoof en daar
is 4 onderwyseresse. Die skool
word deur ‘n Skoolbeheerraad
bestuur wat uit ouers en
onderwysers bestaan. |
|
Jaarliks word
daar fondsinsamelings gehou om
die dag tot dag werksaamhede van
die skool te befonds. Die
geleenthede is al ‘n instelling,
bv ‘n jaarlikse gholfdag, en
tweejaarlikse Revue. Die skool
is ook afhanklik van donasies en
skenkings bv. die
rekenaarsentrum bestaan uit 16
rekenaars wat deur ‘n maatskappy
geskenk is. Hoewel dit nie ‘n
groot skool is nie, word die
kinders hier sorgvry en veilig
groot en bewys die goeie
prestasies wat hulle in die
Hoërskole ontvang, dat die
persoonlike aandag en onderrig
hier in die kol is. |
|
|
|
Nederduitse Gereformeerde Kerk |
 |
|
|
|
Die kenmerkende wit toring van die sierlike
kerkgebou van die N G Kerk Ohrigstad begroet
toeriste en besoekers aan ons Vallei reeds
kilometers voordat hulle die dorpie bereik.
Vir meer as 50 jaar werk die gemeente om die
Koninkryk van die Here in hierdie pragtige
omgewing uit te brei. Diè klein maar aan-die-gang
gemeente is die enigste van die
hoofstroomkerke wat selfstandig hier
funksioneer. Daarom is enigeen meer as
welkom om by en saam met ons die warmte van
die gemeenskap van gelowiges te kom beleef.
'n Verskeidenheid byeenkomste en bedieninge
maak deel van ons werksaamhede uit. Woon
gerus ons erediens by op Sondae 09:00, geniet
'n koppie tee/koffie na afloop daarvan en
vind meer uit.
-
Straatadres: H/v Potgieter en Carl
Trichardtstrate
-
Telefoonnommers van Blokleier-ouderlinge:
-
Umm Howell 013-238 0440
-
Piet Steyn 082 751 6556
-
Ansie Viljoen 082 855 3117
-
Pastorie 013-238 0260
|
|
|
|
|
 |
|
Tourism Association - PO
Box 153, Ohrigstad, 1122,
Limpopo, RSA |
|
Tel: +27(0)13 - 238 8100 & Fax:
+27(0)13 - 238 8104 |
|
Email:
info@ohrigstad.net
|
|
 |
|
| |
|
|
| |
| |
|
|
